0

انور مقصود کا تھیٹر ڈرامہ ’ساڑھے 14 اگست‘ یوم آزادی پر پیش کیا جائے گا

کراچی: پاکستان کے معروف لکھاری، ڈراما ساز اور مزاح نگار انور مقصود نے یومِ آزادی کے موقع پر دلچسپ تھیٹر ڈرامہ ’ساڑھے 14 اگست‘ پیش کرنے کا اعلان کر دیا۔

کاپی کیٹ پروڈکشن نے اپنے آفیشل انسٹاگرام اکاؤنٹ سے انور مقصود کے تھیٹر ڈرامے ’ساڑھے 14 اگست‘ کا ٹیزر جاری کیا گیا ہے۔

ڈرامے کے ٹیزر میں ایک فوٹوگرافر کو مہاتما گاندھی اور قائد اعظم محمد علی جناح کی ایک ساتھ تصویر لینے کی کوشش کرتے دکھایا گیا ہے جبکہ گاندھی اور قائدِاعظم کے درمیان دلچسپ تکرار بھی دکھائی گئی ہے۔

ساڑھے 14 اگست کو یومِ آزادی کے موقع پر روشنیوں کے شہر کراچی کے آرٹس کونسل میں پیش کیا جائے گا۔

یاد رہے کہ اس سے قبل انور مقصود نے 2011 میں ’پونے 14 اگست‘ اور پھر ’سوا 14 اگست‘ نامی تھیٹر پیش کیا تھا، جس کا تیسرا حصہ ’ساڑھے 14 اگست‘ اب پیش کیا جائے گا۔ اس ڈرامے کی کہانی بانی پاکستان قائد اعظم محمد علی جناح اور مہاتما گاندھی سے کیے گئے کسی شخص کے سوال کے گرد گھومتی ہے۔

اس خبر پر اپنی رائے کا اظہار کریں

اپنا تبصرہ بھیجیں